窩子

Open Now

Now Closed

食過好多次呢間Cafe 每一次都唔會失望 簡直佢係新蒲崗嘅寶物！佢嘅窩夫真係超級出色～今次我就食咗鹹同甜嘅窩夫 兩款都各有特色！當然一定要食嘅就係佢嘅慢煮手撕豬腩肉，本身佢嘅豬腩肉調味已經出色，再加上佢整得好正嘅窩夫，係意想不到咁夾，會忍唔住一啖又一啖咁食！另外我仲叫咗佢嘅意大利烘蛋，蛋漿超級香，食落口感好滑！而且裏面仲有唔少嘅蝦，食落去非常滋味！除咗食咗鹹窩夫之外，今次我最尾仲encore埋佢嘅甜窩夫！自家製檸檬醬配伯爵茶吉士係一個幾特別嘅配搭，檸檬酸酸甜甜咁勁開胃，而且伯爵茶嘅吉士又好香嘅茶味！總括而言，呢間嘅窩夫質素超級高，如果鍾意食窩夫嘅話我好推介佢嗰個手撕豬腩肉，超出色！