staff係成張枱推上你張枱😂因為佢嘅嘢食已經預備好晒，同埋有12碟韓國小食咁多！
我地叫左2人餐，已經有1個主食湯or鍋，再揀3款肉類主菜，分別點左菜肉包、烤牛肉同黃油烤魷魚😍3款都唔錯！
韓國嘅菜肉包係一片片豬肉😙我記錯咗係泰式嘅碎豬肉🤣好彩，見到佢一片片起碼多肉先🤣同埋配呢個紅色嘅唔知咩醬呢，幾好味😂
黃油烤魷魚，係韓國好出名嘅菜式，入邊應該用咗牛油，所以一上枱就好香，魷魚又好食！
烤牛肉嘅份量都幾多，雖然冇我想像中嗰種咁燒烤🤔佢比較係用汁炒嘅，味道都ok！同樣，都係點紅色個醬好味🤣
12碟嘅小食，最右上角嗰啲泡菜好大碟少少辣啫，其他仲有紫菜、芽菜、炒粉絲、茄子、蛋餅、魚子🤔，你講得出嘅韓國小食都有！
2人餐都係~$600，我地3個女仔食啱啱好，仲有食淨少少~又唔洗加一幾批抵！
