Video
Read full review
2020-09-11
114 views
今日行完Muji family sale，同男朋友去附近買餸，順便食dinner。呢間小店啲腸粉份量十足，起碼有酒樓出品嘅兩倍，價錢仲好抵😚。.🐷招牌豬髀腸 $25腸粉夠薄有米香，冇諗過喺家庭式小店食到咁香滑嘅腸粉。豬髀經過滷水汁汶煮再去骨，軟腍入味唔肥膩。.🍄香菇腸 $18 比較少見嘅腸粉選擇。乾冬菇加蔥花冇得輸，食落夠香夠鮮，加埋佢哋嘅辣醬更惹味。.🌿香茜牛肉腸 $22呢個不得了！牛肉碎好滑，配上大量芫荽，味道香濃，比起酒樓嘅好食得多，直情想即刻encore。.🦐鮮蝦腸 $22超多蝦肉粒，配上蔥花、生菜，點紅點綠，賣相贏晒。食落清淡又帶鮮味，反而更食到腸粉嘅米香。.🥟韮菜鮮肉餃 $20係我鐘意嘅多菜少肉配搭～皮薄，韮菜香濃，冇豬羶味，所以簡單清蒸已經好好味。.🥟豬肉鮮蝦餃 $18餡料似雲吞，但豬肉較少亦冇咁肥。食落鮮甜美味，仲好多汁。.豐味蒸食旺角廣東道1016號地舖
.
🐷招牌豬髀腸 $25腸粉夠薄有米香，冇諗過喺家庭式小店食到咁香滑嘅腸粉。豬髀經過滷水汁汶煮再去骨，軟腍入味唔肥膩。
.
🍄香菇腸 $18
比較少見嘅腸粉選擇。乾冬菇加蔥花冇得輸，食落夠香夠鮮，加埋佢哋嘅辣醬更惹味。
.
🌿香茜牛肉腸 $22呢個不得了！牛肉碎好滑，配上大量芫荽，味道香濃，比起酒樓嘅好食得多，直情想即刻encore。
.
🦐鮮蝦腸 $22超多蝦肉粒，配上蔥花、生菜，點紅點綠，賣相贏晒。食落清淡又帶鮮味，反而更食到腸粉嘅米香。
.
🥟韮菜鮮肉餃 $20係我鐘意嘅多菜少肉配搭～皮薄，韮菜香濃，冇豬羶味，所以簡單清蒸已經好好味。
.
🥟豬肉鮮蝦餃 $18
餡料似雲吞，但豬肉較少亦冇咁肥。食落鮮甜美味，仲好多汁。
.
豐味蒸食
旺角廣東道1016號地舖
Post
