菜香鐵板豆腐($118) 一磚炸過嘅豆腐蓋上惹味肉醬，微辣嘅鹹香味夠曬入味，而豆腐亦非常嫩滑，質地好似玉子豆腐咁滑溜，係超好餸飯嘅一道菜。
馬來風光(小)($80) 似馬拉盞通菜，不過又有小小唔同，食得出加左啲特色香料，惹味但唔會太過濃味，突顯返本身通菜爽脆口感。
海鮮皇炒飯(小)($98)黃色嘅蛋炒飯加上蝦仁、帶子粒、飛魚子、葱粒等配料拌炒，極具口感，飯粒都炒得粒粒分明，頗有鑊氣。
最後估唔到甜品都幾出色
楊枝甘露用左芒果漿，所以質地比較幼滑，配搭果肉，又甜又香，順滑可口😽
酸甘香茅凍($36)質地似大菜糕，清甜得黎又有啲泰國風情~ 加左啲奇亞籽，口感爽脆又幾得意。
桂花斑蘭椰子糕 ($38) 香甜清潤集於一身，將呢幾樣野擺埋一齊，毫無遺和感，睇得出甜品方面都做得幾有心思🥰
