潮薈館

Open Now

Now Closed

九龍城泰國菜食得多，不妨考慮吓呢間新開無耐既潮州菜館。不論裝潢定餐具，都帶點古色古香，好有格調。［滷水鵝拼盤］有滷鵝片、豬腩片、紅腸、豆腐同蛋。滷水汁好夠味但唔會鹹。點埋白醋更好味。鵝片啖啖肉，最喜歡佢滑嘟嘟既滷豆腐🫶🏻［芋蓉香酥鴨］好考手工既潮州名菜之一。咬落熱辣辣，酥炸鬆化既外層包住幼滑軟綿綿既芋泥混合鴨肉，好甘香。點埋有少少梅子味既秘製甜醬，非常好食。🥰［潮州糖醋麵］糖醋麵，即係兩面黃。一面脆卜卜，一要少許煙韌，口感好正。可以按自己喜好加糖同鎮江醋。［凍大眼雞］凍魚唔腥，魚肉好滑，亦唔會點夾到骨。點埋普寧黃豆醬更帶出鮮味🥰部分海鮮都要預訂先有先食架。