星期五嘅放工，去咗路德圍附近買外賣返屋企，揀咗呢間台式食店，見到個門口個牌寫住抗疫便當$65仲有兩款，經濟又抵食！
另外，麵包控當然會試下佢哋嘅紫薯肉鬆多士，再買咗一個炸物拼盤。
最欣賞佢嘅多士
紫薯有味道得黎唔會好甜，甜配鹹嘅肉鬆，唔會覺得好突兀👍佢嘅抗疫便當雖然只係$65，但係望落好精美，兩個便當都夠三個人食，用紙盒裝溫度夠熱，同時亦都唔會焗到炸物淋曬。
鹽酥拼盤啱曬心大心細嘅我
四款炸物組成，甜不辣係我最鍾意嘅一樣，口感煙韌，味道又好似魚餅。炸物粉漿唔會好厚，調味適中。
雖然晚市禁堂食，但係外賣嘅時候都感受到店員嘅親切熱情同埋禮貌。夜晚好多人都喺度買芋圓做甜品，下次一定會再試❤️
