今次有朋友嚟開大埔話想試，就一齊買外賣返屋企。舖頭果然一直以來都冇改變，員工啲態度一樣係咁差，差到彷彿行入去佢舖頭就係得罪咗佢咁🤷🏻♀️ 店員講嘢冇尾音就梗架啦，企喺佢收銀機前面成分鐘店員可以眼尾都唔望你一眼，問佢嘢又淨係答1-2個字🤷🏻♀️
嘢食方面，牛骨湯係幾濃味，餸就正正常常普普通通咁，但麵嘅份量個人嚟講就覺得有啲少，$40一個車仔麵周街都有，我諗唔到有咩理由要再幫襯呢度。
講真就算呢間嘢啲嘢食好食到曉飛都好，咁嘅服務態度真係好趕客，何況佢都只係普通車仔麵質素？我就一定唔會再嚟啦🙅🏻♀️
