今次開到黎大埔呢個美食天堂 唔知又可唔可以保持水準呢
不過分店食既野有少少唔同 特色台食比較少
反而係走返街坊路線 主力食一啲地道啲既台式食物🇹🇼
晚市時間見佢人流不斷 仲有唔少人等位
似乎都幾深受一班街坊歡迎🤪我都要認真品嘗吓先😋
➷
🪐 胡椒豬肚雞湯泡飯
雖然解唔透點解會有胡椒豬肚湯泡飯食
但係味道又做得唔錯👍🏼胡椒湯唔會帶有過分既辛口
岩岩好做到一個暖胃既感覺 加上帶有咸酸菜去調味
湯底做到清香而不膩🤤雞件亦無過多油份滲出🐓
無論係雞件 豬肚定係飯 份量都幾多 必定會好飽🤰🏼
§
🪐 雙層吉列漢堡芝士煎蛋魯肉丼飯
配搭上比較新潮啲既魯肉飯🍚份量都幾嚇人
雙層極厚身既吉列漢堡炸得香脆 麵粉厚度偏薄👍🏼
應該係食肉獸既好選擇 因為單係兩塊漢堡都已經會好飽🤣
魯肉帶有五香味 無因為芝士既加入而奪去咗應有既味道😌
新元素既加入 都無減去台式風味 係幾得人喜歡既魯肉飯😋
§
🪐 大腸包小腸
🪐 厚薯條
套餐仲可以追加小食 基本既台式小食都有🍤
大腸包小腸既煙韌口感 內裡包住油脂豐盛既台灣腸🌭
熱辣辣既厚切薯條 一上枱大家都忍唔住要食😆
想過吓口癮的話 都可以叫啲小食試吓 唔會太大份🤪
§
🪐 蜜糖芥末蛋黃醬炸雞山
多人先好嗌 否則真係見到都會呆咗😱成座山咁高既炸雞
味道濃厚 炸雞炸得香脆可口 雞肉唔會嚡身 保持到嫩滑🍗
加上令人毫不抗拒既蜜糖芥末蛋黃醬 非常惹味 但會腬啲🤏🏼
§
🪐 燒仙草奶茶鐵觀音
🪐 無糖妹妹皇牌鐵觀音純茶
要讚佢既鐵觀音茶底真係好濃厚🍵
無論任何配搭 都可以清澈飲到茶既甘香👍🏼
如果好似我咁飲純茶 味道更突出 果然係皇牌✨
➷
雖然食物種類同觀塘總店有唔同 不過水準可以維持得到😌
而家仲多咗個選擇俾我地 近啲就可以成日黎食喇😆
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟
