今次約埋朋友仔去九龍城大擦一餐 打邊爐都係人多好😋
門口望到水缸既海鮮好生猛 蜆都唔見有沙好清澈
望埋menu 野食多到離晒譜😲海鮮刺身🦞餐前小食等等
而火鍋既配料更加係數之不盡 究竟要有幾多個胃先食到🫢
➷
🪐 胡椒豬手骨鍋
係湯底方面 足足有超過30款既選擇😱
左諗右諗 最後揀咗個胡椒湯 順便可以暖吓胃都唔錯
起初都會擔心太多湯底會唔會變得好酒樓式🤔
不過擔心係多餘既 湯底唔係清水 亦都唔覺得味精
胡椒味愈煲愈出 個種辛口的確令個胃幾舒服👍🏼
估唔到既係豬手骨係醃咸咗 唔油膩之餘肉質仲好軟腍😋
-
🪐 特級手切肥牛
平時我地四個坐埋一齊 見到牛必定會癲狂心心眼😍
但前一晚我地一齊俾塊和牛打敗咗 所以都唔敢食咁多🫣
叫咗碟例牌食住先😛睇佢肉既顏色好鮮艷新鮮👍🏼
肥瘦均勻 入口牛味都幾濃厚 肉質滑口唔韌
-
🪐 深海花竹蝦
第二樣要食既就係呢度既海鮮🦐款式會睇返當日既來貨
有啲海鮮仲可以用作刺身食法 呢啲就因應個人喜好喇😆
一人一隻唔洗爭 不過上枱既時候真係嚇親 大隻到喊🤣
人生都無乜幾多次食過咁大隻既花竹蝦 口水流到落大脾🤤
生猛到落鍋既時候都仲郁緊😍等待既時間特別慢長⌛️
蝦肉好結實好彈口🤤名副其實既啖啖肉👍🏼係鮮甜嫁‼️
蝦頭同蝦肉都有好多膏 記得食埋佢唔好晒🫢
-
🪐 桂花蚌
🪐 珊瑚蚌
🪐 野生竹笙
朋友每次都要食珊瑚蚌 佢係超級愛好者🤭
今次嗌埋個桂花蚌同竹笙黎襯吓先😆三款都係爽口既食物
咬落口索索聲不帶油份 用黎打邊爐真係幾過癮😋
竹笙又係吸水毛巾 將胡椒湯精華吸晒 每次打邊爐必備✅
-
🪐 自家制九菜餃
🪐 芝士蝦丸
九菜餃餃皮都算薄身👍🏼內裡包得好足料 脹卜卜好吸引🤩
本身都已經自帶味道 九菜味道都幾香濃😌
蝦丸亦都幾彈口 唔會有粉狀感覺 呢個位做得幾好👍🏼
如果喜歡食芝士既人 可能會想佢內裡既芝士再多啲🧀
-
🪐 椒鹽豆腐
🪐 焗雞泡魚乾
椒鹽豆腐都炸得幾脆 味道上調教得唔錯
佢唔係用上滑嘟嘟個種豆腐 不過呢種豆腐豆味幾香😶🌫️
黎到呢度竟然都見到雞泡魚乾😆又開中我地個範
帶有微微焦香同甜甜地既味道 基本上點都會好食🤤
➷
連蔬菜都係新鮮🥬朋友都忍唔住食咗兩兜皇帝菜🤭
整體既食物都令人滿意 但真係點都要試吓海鮮😋
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟
