逸之燒 (Closed)

元朗係本尊嘅後花園，成日都搵到好食又新奇嘅野，今次亦無例外！黎到呢間逸之燒，一見皇帝蟹宴，即點！古人唔識食呢隻夾人蟲，直到一次夾人蟲為患，一位叫巴解嘅督工為左對付佢地，挖溝用熱水煮熟佢地，發出陣陣香味，一咬就欲罷不能，先發現呢種蟲係佳餚一道。古人為左記念巴解，用解加虫字，就成為左今日嘅蟹啦！第一道，燒蟹蓋膏，甘香非常，如果可以日日食，本尊係唔會理膽固醇架！第二道，燒蟹腳好鮮味，一齊上個蟹汁更讚，真係好滋味。本身乾物都比較乾，配個汁就天衣無縫，尤其呢個可以撈飯嘅蟹汁！第三道係蟹shabushabu，皇帝蟹腳肉真係鮮甜彈牙，碌完蟹腳嘅蟹湯用黎打邊爐，已經無得輸，索汁手打烏冬更加係集合所有精華係一身呀！第四道蟹粥，食到呢度本尊已經飽，但蟹粥鮮氣沒法擋，都係食左兩碗，木魚味加上蟹鮮味，層次豐富！本尊食呢個皇帝蟹，食到好似做左皇帝咁享受，出巡完飲飽食醉，係時候擺駕回宮。起駕！