Woke (Under Renovation)

趁着放大假特登出咗中環 打算輕輕鬆鬆嘆番餐好西 餐廳喺正中環威靈頓街沿樓梯直上 側邊就係 去到見到餐廳原來有成三層高 幾驚訝 因為好少見中環有咁多層嘅餐廳   可能係我太大鄉里>.<一樓先係用餐區 上到去位置都幾闊落 幾啱兩個人坐喺度慢慢食🤤我嗌左牛油果沙律連炸薄脆 有兩種唔同嘅口感同層次 牛油果甜又唔會過熟 沙律份量都唔細 配埋好脆口嘅薄脆 都會覺得夠飽😙 朋友叫咗澳洲龍蝦沾麵 幾大碗而且份量都好足 龍蝦賣相都唔錯 成件事啱晒打卡之餘仲幾好食 龍蝦湯重蝦鮮味 沾麵亦頗爽口🦞