Video
Read full review
2010-09-04
204 views
今日老豆生日，諗住一家出街食餐豐富晚飯，點知兩老一向又厭遠又厭麻煩，最後都係要留返係大埔啲街坊酒樓食餐便飯 ~ 阿媽都經常黎依度飲下午茶，念佢夠近又平，都算同啲侍應熟落，都會打吓招乎 ~乳豬併海蜇，搞錯呀，比海蜇頭，唔係海蜇鬚呀 ﹗見枱枱都只係得啲頭，cheap 呀，menu 張相所示都係鬚黎，仲大大碟，雖然照片只供參考啫，但係咪差咁遠呀 ﹗乳豬皮脆就好脆喇，但勁肥呢，仲燶燶地，離晒譜，味道過得去啦。燉響螺老雞湯渣，雞件煲到散晒，但肉質依然好嫰滑，點啲豉油送到幾碗飯，雞味仍然好濃，咁係咪等於燉得唔夠耐呢？燉響螺老雞湯，又甜又濃，好正 ﹗強調絕不含一粒味精 ﹗清蒸海斑，比較細條，但肉質算鮮嫰，幾好。千絲帶子球，即蝦膠包住粒近乎食唔到既帶子，外面再搵啲粉絲卷實，再落鑊炸成金黃色，成隻海膽咁架呢。蝦膠又香又鮮又彈牙，但真係搵唔到粒帶子係邊囉。外面脆脆既粉絲都幾難搞，因為無可能係唔整碎晒佢地之下放到入口。此味係配沙律醬，可以啦，可能配浙醋或錦滷汁會更好 ~什菌腐皮煲，齋菜，偏甜囉，味道可以，只不過係一堆冬菇什菌加埋啲腐皮卷件炒埋一齊，再放入個瓦煲度囉 ~海鮮什錦鍋，有九孔鮑、中蝦、蟹、等等，但
乳豬併海蜇，搞錯呀，比海蜇頭，唔係海蜇鬚呀 ﹗見枱枱都只係得啲頭，cheap 呀，menu 張相所示都係鬚黎，仲大大碟，雖然照片只供參考啫，但係咪差咁遠呀 ﹗乳豬皮脆就好脆喇，但勁肥呢，仲燶燶地，離晒譜，味道過得去啦。
燉響螺老雞湯渣，雞件煲到散晒，但肉質依然好嫰滑，點啲豉油送到幾碗飯，雞味仍然好濃，咁係咪等於燉得唔夠耐呢？燉響螺老雞湯，又甜又濃，好正 ﹗強調絕不含一粒味精 ﹗
清蒸海斑，比較細條，但肉質算鮮嫰，幾好。
千絲帶子球，即蝦膠包住粒近乎食唔到既帶子，外面再搵啲粉絲卷實，再落鑊炸成金黃色，成隻海膽咁架呢。蝦膠又香又鮮又彈牙，但真係搵唔到粒帶子係邊囉。外面脆脆既粉絲都幾難搞，因為無可能係唔整碎晒佢地之下放到入口。此味係配沙律醬，可以啦，可能配浙醋或錦滷汁會更好 ~
什菌腐皮煲，齋菜，偏甜囉，味道可以，只不過係一堆冬菇什菌加埋啲腐皮卷件炒埋一齊，再放入個瓦煲度囉 ~
海鮮什錦鍋，有九孔鮑、中蝦、蟹、等等，但取消左 ﹗未放上枱已聞到燶味，個侍應阿姐仲要話係咁既味架喎。咁好啦，打開睇睇，再反轉隻蟹，嘩 ﹗燶鬼到黑晒，仲話無野 ﹗成個煲一滴水都無，唔掛得等成廿分鐘先煮好啦，原來煮到過晒時間廚房無人知。但係個阿姐仍然堅持話燶成咁係正常，我已火氣上升黑面。好，我就試您一件燶九孔鮑，個殼已焦黑，鮑魚邊亦已燶晒，食落啲味道完全係炭屎味，嗅燶味。
跟住個阿姐先係攞返入去廚房反影，反影乍喎，無話換過煮過或取消喎。阿媽咁啱去完洗手間經過廚房，話聽到侍應阿姐比廚房佬嘈，咁我個怕事既老豆係時候出聲喇，取消算喇，一陣啲廚房佬都唔知煮啲咩垃圾、加料落啲送度呀。咁是但啦，就取消左去。之後啲廚房阿叔呀、金毛仔呀、小朋友呀，續個係我地張枱路過，眼望望而且黑面，態度惡劣 ~
雖然食得好飽，但係一餐受氣飯囉。每次黎食晚飯，梗係有一碟野出事架喎，都唔知係咪我黑仔 ~
Post
