The Butterfly Room

Open Now

Now Closed

Rosewood Hotel嘅下午茶出名難book，為咗試吓佢係咪咁出色，我同朋友要提早一個月訂位先有得食。Tea set可以自選飲品，朋友揀咗tea,我就飲Coffee, 飲Tea都幾好，份量有好多杯，瓶底又有蠟燭座保暖，相反Coffee就一般，沖得麻麻，拉花都好普通……前菜嘅幾款咸點都整得好精緻，全部賣相吸引，而且食落都唔錯，所有口感都好有層次，感覺新鮮。scone上到枱仲係熱辣辣好好食，咬落好多提子乾，配合三種醬料食各有特色，由於太好味，我同朋友都有額外再加多兩個。第一架車仔嘅甜品比第二架好食，因為味道冇咁甜，而且有好多不同款式揀。朱古力車嘅甜品全部都比較甜，除非你好鍾意食甜野，否則真係麻麻地。最令人印象深刻嘅都係拿破崙，本身就係酒店signature, 個波浪型餅皮做到非常好，而且入面嘅vanilla cream好滑又香，我食完都有再添食。總括而言，tea set下午茶咸點較甜點水準高，每人大約四百呢個價錢唔係好值。