達順辣蟹火鍋 (Changed Hand) New Restaurant

同阿妹去銅鑼灣探姨婆，之後我帶左佢去達順辣蟹火鍋，因為同事介紹有出位粥底火鍋餐，海鮮和配料都好新鮮，包埋加一及茶芥，價錢便宜。火鍋店有小菜又有火鍋食，入座後，告知侍應我們食火鍋套餐，侍應立即送上混醬材料，及在餐紙上選擇5款海鮮、8款火鍋配料。首先上火鍋湯底，湯底是粥水，海鮮以人頭計份量，肉蟹大隻，沙白、花甲冇沙，多寶魚肉質鮮嫩，蝦、鮑魚彈牙，全部都鮮味十足。火鍋料亦好新鮮味美，農場雞件鮮嫩，花膠仔滑溜，脆皮芝士腸、炸魚片頭、豬頸肉、爽滑墨魚丸、鮮甜白魚蛋，爽口彈牙。食粥底前會加入粟米、芋頭粒、南瓜粒和粥胆，煮熱後再滾一陣就可以食，粥水因留有海鮮的精華，所以十分鮮甜，並可加入佐料增加口感。美食當前，當然要啤一啤！