才哥蝦麵 (Closed)

今日我同朋友去開大角咀, 行行下俾我地見到有間小店, 見到好有特色所以就入去食，其實個名都好明顯係哂蝦麵的, 我地睇完餐牌都知道間鋪頭食蝦麵為主，但因為我今日好想食飯, 有點餓, 所以我冇揀到蝦麵，我揀左海南雞飯。好快海南雞飯到左, 立即一試, 就覺得不得了，個雞既肉質超滑，雞胸一d都唔鞋，碗飯都係好正，蒜香味濃; 另外, 叫左一魷魚通菜同桔仔水, 魷魚通菜味道好夾, 通菜好新鮮, 最特別是個桔仔水, 好有媽媽的味道。我下次再來一定要食下個蝦麵。