B&C Bakery

其實佢開業無耐我已經去試，講真，初初真係以為只係一間商場包舖，唔會有特別其待。
但自從食過佢既包之後，真係次次買包都要去o個度買，就算我係美國返香港只住一小段時間，都要抽空去買黎食，可想而知。
我個人認為，最好食既係佢地既蛋撻，我最鍾意食脆皮，岩岩出爐既皮好香，食落有都幾化，而燉蛋亦好香好滑溜，以咁平價食到咁好質素既蛋撻，真係好唔錯。
另外，佢既蛋白撻一樣咁好食，但當然無蛋撻咁甜，如果諗住食健康d既就揀蛋白撻啦。

除蛋撻外，佢既其他食物都好好食，包括佢既蛋糕，雖然唔係好多花款，但味道算ok；包點方面亦無偷工減料，唔錯，值得一試。而且老細好似成日都好落去睇下舖，我諗都會監控住佢地既質素，確保出品。當然佢既唔好處就係舖太細，客人太多，有時要迫入去買野都幾係野。

我推介我表姐食去食呢間包舖，佢一食就上引，每次由葵芳入親去天水圍，都要買一打蛋撻黎孝敬我姑媽姑丈，可想而知佢地有幾好食。