euro go go (Closed)

經常到呢度食早餐，食開都係果一兩款。上星期發現餐牌改左，原來加左個蘑菇早餐。一上枱就聞倒好香牛油味，蘑菇切丁炒，無乜調味，食落好清新；炒蛋充斥左牛油香，係全熟炒蛋，但一D都唔鞋，口感仲好滑添，啱晒怕生蛋嘅我；牛角包🥐一貫咁香脆鬆軟，yummy😋。最驚喜係杯凍檸茶走冰走甜，室溫上，無熱檸茶嘅苦澀，飲落舒服，最重要係無遭人白眼，值得一讚呀！Ps 去茶記叫凍飲走冰實比人寸。