McDonald's (Trend Plaza South Wing)

麥當勞已經推出醒神早餐好耐，絕對適合我呢種唔食薯餅的人，價錢比套餐平，又可以試到套餐無的包，例如是麥芝蛋包，同最近勁賣廣告的芝士魚堡、芝士雞堡

芝士雞堡，凍新鮮檸檬茶 $21
好開心麥當勞出返新鮮檸檬茶，我好鐘意飲，但停售左好耐而家早餐加$3可以轉，我當然唔會錯過！

其實芝士雞堡係老公推介我食，一試就愛上佢同11:00am開始提供的麥香雞包好似，不過個包用左硬身鬆餅白包，多左塊芝士，少左生菜，但塊雞一樣好好食，配埋芝士同沙律醬真係好夾，唔怪得麥當勞最近勁賣廣告啦

凍新鮮檸檬茶
我習慣走甜，因為可以飲到茶香，不過今次茶底比較混濁，可能比左隔夜茶我，好彩味道無大問題，檸檬有3片，所以都夠檸味，OK:)

食呢個餐既飽肚，又可以唔洗浪費薯餅，very good