御石燒 (Closed)

今日天氣咁凍，行過見到間食石燒牛餐廳，一路燒一路食都會暖d。餐廳日式裝修，簡約乾淨。未食過石燒牛唔緊要，呢度有個石燒四部曲guideline會教你。我哋叫左兩個套餐，另外加35蚊就有麵豉湯、流心蛋同紫菜味素飯。御燒特級牛小排：油花分佈均勻，厚薄適中，滿口油香，輕輕一燒就食得，唔錯。御燒極上級黑松露吉列牛：外面一層薄薄黑松露吉列，切得較厚，調味調得幾好，吉烈牛較瘦，有口感唔韌，好食。麵豉湯：味道唔太鹹，夠味，ok喎。流心蛋：時間控制得幾好，剛剛好嘅流心口感。紫菜味素飯：上面鋪滿味素，夠香又夠味，食落唔會單調。