Video
Read full review
2024-01-23
96 views
又食湊湊 🤤今日得7度，我相信好多人好似我咁會去打邊爐係爽既今日叫左個新湯底 青花椒牛油果鍋 搭 紅顏花膠雞煲 （各$138）青花椒個味 唔係辣，食落去有一種清新既椒味，伴以一啲麻麻地既感覺，牛油果就好似潤滑劑咁，令味道順滑咗 出奇好食花膠雞煲 湯底非常濃郁！先飲左湯先，已經暖笠笠 咁凍飲湯真係好舒服，材料10分足，有細鮑魚，好多舊花膠，花菇，同無骨雞粒 加左湯之後，湯底依然濃郁，好似一個高湯咁可以令食材突出原味之餘，更加鮮美澳洲m8和牛後腿蓋肉 （$198）牛肉鮮嫩，有好香既牛味，油脂味，食落口又唔怕太肥膩 🤤 好想要多幾盤雞縱菌 （$38）呢個好多顆，食落好爽脆，又可以索到湯底嘅味口感 我超鍾意小章魚福袋 （$49）呢個好好食！福袋比較厚身，吸湯吸到肥嘟嘟既時候食就最正，章魚仔鮮味十足 堅好食！海鮮棒棒糖 （$59）湊湊其中一樣名物，用唔同既海鮮滑整成，加埋啲蔬菜粒粒，口感，味道都好出色另外飲品當然我又係叫 大紅袍珍珠奶茶 （$33）其實都唔使點介紹，冇得輸所以我先成日飲 🤣🤣另外一杯係 芝脆阿華田大紅袍 （$35）啲脆脆無呃你，係飲品入面仲保持好脆！阿華田味又好濃郁，唔錯優惠自助
今日得7度，我相信好多人好似我咁會去打邊爐
係爽既
今日叫左個新湯底 青花椒牛油果鍋 搭 紅顏花膠雞煲 （各$138）
青花椒個味 唔係辣，食落去有一種清新既椒味，伴以一啲麻麻地既感覺，牛油果就好似潤滑劑咁，令味道順滑咗 出奇好食
花膠雞煲 湯底非常濃郁！先飲左湯先，已經暖笠笠 咁凍飲湯真係好舒服，材料10分足，有細鮑魚，好多舊花膠，花菇，同無骨雞粒 加左湯之後，湯底依然濃郁，好似一個高湯咁可以令食材突出原味之餘，更加鮮美
澳洲m8和牛後腿蓋肉 （$198）
牛肉鮮嫩，有好香既牛味，油脂味，食落口又唔怕太肥膩 🤤 好想要多幾盤
雞縱菌 （$38）
呢個好多顆，食落好爽脆，又可以索到湯底嘅味
口感 我超鍾意
小章魚福袋 （$49）
呢個好好食！福袋比較厚身，吸湯吸到肥嘟嘟既時候食就最正，章魚仔鮮味十足 堅好食！
海鮮棒棒糖 （$59）
湊湊其中一樣名物，用唔同既海鮮滑整成，加埋啲蔬菜粒粒，口感，味道都好出色
另外飲品當然我又係叫 大紅袍珍珠奶茶 （$33）
其實都唔使點介紹，冇得輸
所以我先成日飲 🤣🤣
另外一杯係 芝脆阿華田大紅袍 （$35）
啲脆脆無呃你，係飲品入面仲保持好脆！阿華田味又好濃郁，唔錯
優惠自助 （$19）
食開湊湊都知，佢呢個類似茶水既收費
不過係多元化好多，包醬料，前菜，生果，肉燥飯
今日有中華沙律，香辣脆魚皮，芋頭波波作前菜
魚皮真係好好食，口感脆卜卜，食落辣辣哋 食唔停呀
芋頭波波仲要新鮮炸起！好正
另外，湊湊既服務又係無得輸
Post
