一於試下養心殿，反正之前都未試過.
揀左尖沙嘴分店，有d特別，開向地下室.
8點好旺場，等左10分鐘.
宜家做緊promote，8點半前離場，7折.
真係幾抵.
選左美人鍋湯底，都幾足料，
成隻烏雞擺落去煲.
配埋黨蔘，龍眼肉，淮山，桃膠.
一睇就知道滋補.
藥材味唔算重，甜甜地幾好飲.
第一次用尼d湯底打邊爐，體驗唔錯.
蔬菜盤
菜全部新鮮翠綠，而且都係沙律菜，香菇吸收曬d湯味，而且夠厚，高質.
日本淮山
價錢真係幾貴88，得幾塊.
但貴得有道理，爽脆清甜，d黏液食落，好舒服唔係普通貨色可以比較.
QQ麵係薯粉，非常Q彈，撈埋湯食口感幾得意.而且低卡路里，好健康
黑松露蝦丸蝦水餃
黑松露味超重，以為自己生咬緊黑松露，蝦丸彈牙，蝦肉新鮮.
水餃超大隻，裡面d豬肉蝦都好爽口彈牙，而且皮薄.
羊肉
肉質好滑，瘦得黎有小小脂肪.
帶小小羊騷味，入口即溶.
最後仲有響鈴
炸得金黃，吸收埋d湯，味道唔錯.
