小桃咖啡室 (Closed)

約咗好耐無見嘅好姊妹食飯, 今日喺公司open rice見到小桃咖啡室地點好似幾方便於是就決定試吓啦.位置就係喺times square附近咋, 由於係喺旁邊一座塘樓入面都幾難搵吓… d LIFT先舊得恐怖, 不過好彩都好快搵到!地方唔算大, 但燈光布置都幾有情調, 仲有個對正Times Square嘅大露台, 坐低後店員就同我地推介有咩食啦, 其實佢有好多SET可以選擇, 但我地得兩個人食唔到太多, 於是就決定散叫啦~ 見未餓就叫枝riesling 同個小食暖吓胃飲吓先 (其實重點就係咁 xDDD)小食叫咗呢個芝士煙肉薯皮, 啱啱烘起熱辣辣, 好足料好多芝士,佢本身芝士已經多, 仲有埋Sour Cream 比你點住食~ 送酒非常啱! 脆BORK BORK 好好食!吹咗一輪水我就想食嘢啦, 就ORDER咗個PASTA西班牙茄汁蘑菇煙肉意粉–呢個PASTA 有我鐘意嘅茄汁同煙肉集於一身, 意粉唔太淋唔太硬剛剛好, 好足料架!! 茄汁味甜甜地好開胃, 份量唔大不過都好夠飽, 感覺仲清清地一D都唔溜.就咁就飲飽食醉地過咗一晚, 應該會再嚟嘅, 但要多D人先得, 因為好想試佢地出名嘅Ribs