79
15
4
Level4
611
6
2013-04-14 18 views
數星期也活在迷霧中, 偶爾下著毛毛細雨甚至傾盆大雨, 濕度不是100%也是90%, 納悶得令人做什麼也提不起勁... 是日氣溫更驟降至15度, 毛衣、大褸、稍為厚一點的長袖衫都已經通通被打入冷宮(床下底), 只剩下一件中袖的羊仔皮外套, 已經是手頭上最重型的... 放工後到尖沙咀與Honey會合, 冒雨前往尖沙咀潮流飲食集中地... 亞士厘道!!! 沿途感到有點涼意, Honey只穿了一件薄薄的外套, 未必有點冷... 哼哼... 先來點Music搞搞氣氛吧... ♫ ♪ 在雨中漫步 藍色街燈漸露 相對望 無聲緊擁抱著 為了找往日 尋溫馨的往日 ♫ ♪哈哈... 我知, 個Gag係好爛, 我地都係盡快返回正題吧喇... 八吉喊住「天地旬鮮」的口號, 從日本的漁港搜羅多款新鮮的時令鮮魚, 直接送到客人面前, 大廚會隨客人的喜好煮理, 刺身、鹽燒、汁煮均可... 一踏入店內, 第一眼見到的, WoW... 好多時令海產呀!!! 原條做刺身, 都只係$200-$390, 好抵呀!!! 不過抵還抵, 我同Honey係唔食魚嘅, 服務員簡單2個字"嘥料", 道盡千千萬萬人的心聲, 相信好多朋
Read full review
數星期也活在迷霧中, 偶爾下著毛毛細雨甚至傾盆大雨, 濕度不是100%也是90%, 納悶得令人做什麼也提不起勁... 是日氣溫更驟降至15度, 毛衣、大褸、稍為厚一點的長袖衫都已經通通被打入冷宮(床下底), 只剩下一件中袖的羊仔皮外套, 已經是手頭上最重型的... 放工後到尖沙咀與Honey會合, 冒雨前往尖沙咀潮流飲食集中地... 亞士厘道!!! 沿途感到有點涼意, Honey只穿了一件薄薄的外套, 未必有點冷...

哼哼... 先來點Music搞搞氣氛吧...

♫ ♪ 在雨中漫步 藍色街燈漸露
相對望 無聲緊擁抱著
為了找往日 尋溫馨的往日 ♫ ♪

哈哈... 我知, 個Gag係好爛, 我地都係盡快返回正題吧喇...
23 views
0 likes
0 comments
八吉喊住「天地旬鮮」的口號, 從日本的漁港搜羅多款新鮮的時令鮮魚, 直接送到客人面前, 大廚會隨客人的喜好煮理, 刺身、鹽燒、汁煮均可... 一踏入店內, 第一眼見到的, WoW... 好多時令海產呀!!! 原條做刺身, 都只係$200-$390, 好抵呀!!! 不過抵還抵, 我同Honey係唔食魚嘅, 服務員簡單2個字"嘥料", 道盡千千萬萬人的心聲, 相信好多朋友見到如此多來自日本的時令新鮮海產, 都會同服務員一樣, 情不自禁地講一句"嘥料", 呀哈哈哈...
132 views
0 likes
0 comments
八吉係日本有36間分店, 香港同日本的分店一樣, 都有提供私隱度極高的和風「個室」, 置身私人空間內, 不受外間騷擾, 盡情盡興享用盛宴... 這種充滿日本風的榻榻米, 其實是改良版... 想當年初出茅廬的我, 人生的第一次出差, 就係去個個同事都爭崩頭舉晒2隻手話想去的東京!!! 客人第一晚請我去食晚飯, 就係坐傳統的榻榻米!!! 我一直雙膝跪地臀部壓腳, 挺直腰小口小口地進食, 維持了1個小時左右, 雙腳由麻痺至完全沒有感覺後再開始刺痛, 天呀, 我投降喇!!! 面露尷尬的笑容向客戶表明"我支持唔住喇", 雙腳一伸, 哦... 舒服晒...
82 views
0 likes
0 comments
和風「個室」外的卡位亦相當寬敞舒適...
20 views
0 likes
0 comments
甫坐下, 服務員端上熱茶、熱毛巾及多款前菜供客人選擇... 枝豆、蟹膏、螢光魷魚、甜蝦...
25 views
0 likes
0 comments
花多眼亂, 最終選了枝豆和蟹膏... 我好享受眾目睽睽之下用手拎枝豆放入口咬果份無驅無策的感覺, 灰色的蟹膏又香又滑, 鮮味帶鹹香, 蟹味濃郁, 整隻蟹的精華匯聚在內...
38 views
0 likes
0 comments
自家制花生豆腐 $55
-- 嫩滑緊緻、亮白有彈性、零毛孔、恍如剝殼雞蛋... 以上的台詞, 並不單止適用於BB肌膚, 套用係自家制花生豆腐身上, 亦貼切不過... 用湯匙舀來吃, 黏黏的很有彈性, 拉開時難分難捨, 拉出的一絲絲豆腐絲, 就好似拉開加熱了的芝士... 入口很滑, QQ的, 很特別, 有豆香, 花生味較淡...
43 views
0 likes
0 comments
蘆筍豬肉卷 $78
-- 以五花豬肉薄片包住新鮮蘆筍來燒, 豬肉薄片被烤至脆身, 帶點焦香, 豬油滲進爽脆的蘆筍內, 令蘆筍帶有油香, 只需灑上少許鹽來調味, 香口美味, 佐酒一流... 這種粗幼的蘆筍個人來講比較喜歡, 削皮後清甜爽脆有咬口, BB蘆筍絕對比不上...
39 views
0 likes
0 comments
沖繩餃子 $68
-- 餃子的餡料使用沖繩縣產豚, 6隻餃子包含6種不同的味道, 實在少見, 一次過可以滿足你6個願望, 對花心鬼如我來說, 實是喜訊!!! 餃子皮超薄, 底部煎得脆脆的, 填滿了各式各樣的餡料, 包括紅蘿蔔味、苦瓜味、原味、芝士味、墨魚汁味、島唐辛子味... 沖繩縣產的新鮮紅蘿蔔, 沖繩最具代表性的苦瓜, 沖繩縣產的嫩滑多汁豬肉, 沖繩縣產的新鮮墨魚汁, 沖繩縣產的紅辣椒, 噢... 沖繩呀, 我好掛住你呀, 呢幾粒餃子唔單止無減輕我對你的思念, 反而令我更想你呀!!!
38 views
0 likes
0 comments
沖繩和牛拼AGU豬肉壽喜火鍋 $480
-- 嘻嘻... 今晚的高潮... 沖繩紅牌阿姑(AGU)壓縮登場!!! 和牛脂肪分佈均勻, 超大片的, 未吃入口單是看看已經知道好味, 在湯內輕輕一灼, 牛肉不會散開, 肉質柔軟, 牛味香濃, 不用蘸麻醬或酸汁已很美味... 五花AGU油份高, 甘香豐腴, 油而不膩, 沒有豬肉的腥臊味, 不吃肥肉的我也能接受... 沖繩島豚AGU同樣很大片, 肉片灼後不會散開, 肉質幼嫩, 甘香而不臊, 肉味不遜於黑豚肉,比我係沖繩食到的AGU更美味, 單竟我是跟團, 給團友吃的應該不會是什麼上等貨色...
33 views
0 likes
0 comments
火鍋附上大量新鮮蔬菜, 冬菇、大蔥、金菇、茼蒿、海苔、紹菜、豆腐, 合乎健康原則... 冬菇的花紋切得很美, 豆腐扯身有豆香, 放入火鍋內也不會散開...
24 views
0 likes
0 comments
火鍋吃至尾聲時, 店員會奉上沖繩麵, 這種沖繩麵的厚度有點似稻庭烏冬, 煙韌彈牙...

猶記得我係沖繩旅遊時, 遇到12級颱風「圓規」, 被困在Marriott Resort的下午, 就只能靠在酒店便利店購買的杯麵充饑, 打開杯麵時感到很愕然, 點解杯麵會變成烏冬?!! 後來先知道沖繩麵就是這個模樣... 「圓規」(KomPaSu)掠過接近暴風中心的沖繩地區時達到頂盛, 風速為185公里/小時, 颱風經過沖繩縣所挾帶的強風暴雨, 造成約32000萬戶住宅停電...

吃罷熱騰騰的美味火鍋, 剛才飽受「冷雨夜」煎熬的身軀已經回復溫暖... 嘻嘻... 吃飽飽, 又到第二個胃出動的時候!!! 服務員再次奉上熱毛巾, 及為我地更換一杯熱騰騰的綠茶, 很貼心...
30 views
0 likes
0 comments
沖繩紅芋雪糕 $35
-- 在沖繩吃過雪鹽軟雪糕、鹽味曲奇雪糕、白桃與紅芋Gelato, 唯獨鐘情白桃與紅芋Gelato... 八吉的紅芋雪糕質感很特別, 軟滑得來帶點煙韌, 是可以咀嚼的雪糕, 紅芋淡香, 不會過甜, Yummy~

Honey與我均非常滿意今晚的晚餐, 食物真係好好味, 而且店內提供日文報紙, 客人以日本人為主, 猶如置身日本的居酒屋內, 形神俱備... 回程時發現, 原來八吉係En Group旗下的餐廳, 想當年Honey生日, 我地去尖沙咀文化中心睇完歌劇「歌聲魅影」(The Phantom of the Opera ), 跟住就去「彩食酒宴」(En)食晚飯慶祝, 當年的美味, 至今難忘...

哈哈哈, 絕無誇大, 千真萬確, 大家唔相信的話, 可以到我的Blog搜尋"En", 只有3個Blog Results出現, 第3個就係喇... 無花無假, 唔係作故仔... 不過當年的食評完全無詳細形容食物的味道及口感, 只有好味、好好味同好好好味, 請大家睇完唔好見笑... 嘩咔咔咔... (自己忍唔住笑先)

(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2013-04-11
Dining Method
Dine In