嚐喜大不同特色餐廳小廚

Open Now

Now Closed

今次專登過海去天后試「嚐喜大不同」，全為網上瘋傳嘅「冰鎮咕嚕肉」！一上枱就知冇白嚟——成個冰山咁嘅碎冰堆到滿，咕嚕肉插喺頂仲冒緊煙，視覺先贏晒！夾一粒咬落去，「咔嚓」聲超清脆，外皮凍得似玻璃紙咁脆，入面嘅豬腩肉竟然保持住微暖軟嫩，冰火交織嘅口感真係第一次試！個甜酸汁好有心機，凍咗都唔會結油，反而掛住肉粒好清爽，仲加咗菠蘿粒同彩椒，酸味自然醒胃。最驚喜係冰鎮減咗油膩感，平時食幾舊就滯，今次一個人KO半碟都唔覺膩！同枱朋友仲搶住啲冰碎嚟食話解辣（佢哋叫咗小炒王，鑊氣都足㗎！）。環境就典型街坊小店格局，枱密少少但乾淨，阿姐笑容滿分，見我哋影相仲主動拎手機燈過嚟打光！，以咁有噱頭嘅菜式嚟講性價比高，難怪晚晚排長龍。總結： 為咗呢碟冰鎮咕嚕肉絕對值得過海！建議約多幾個friend試多幾款小菜，避風塘茄子都正㗎～記得訂枱啊，walk-in等到頸都長！