時代冰室 (崇齡街) (Closed)

餐廳光猛，有卡位。裝修特別，以電影劇照做主題。火山華田脆脆冰，不會太甜，加了脆脆，味道好好。冰鎮原味樽仔奶茶，冰鎮真係好味的，奶茶原汁原味，又可飲凍，真好味。無骨海南雞飯，冇骨雞肉配三色醬，有三種口味。油飯比較香，而且杰身黑豉油撈油飯，較香口。三拼鐵板扒，鐵板好夠熱，放黑椒汁好滾，勁香。蒜蓉煙肉大蝦，隻蝦好新鮮，好有蝦味又彈牙，好好味。牛仔骨索哂黑椒汁，夠味。妙齡炸乳鴿，肉質嫩滑，香口。卡邦尼、巴馬火腿拼炸魚柳炒意粉、伴半熟煎蛋蛋漿伴卡邦尼意粉，特別香，加上巴馬火腿的減香，味道又幾好。