亞金南洋茶室 (新都城中心二期) (Closed)

老婆話想食海南雞飯，咁啱係開將軍澳呢頭做嘢，就係呢一間冰室買外賣返去比佢食，下午茶時間黎到，都幾多人，望一望餐牌即刻知道點解，因為價錢真係好平海南雞油飯：一隻海南雞，配上兩盒大大盒油飯，返去兩個小朋友都可以食，海南雞好滑，而且醬汁好齊，啲飯嘅雞油味亦都好重 係高質👍白玉仙草：小朋友鍾意食甜品就叫多兩個仙草甜品比佢哋食，仙草切得細細粒，好容易入口，調味啱啱好，唔會太甜，仲有椰果喺入邊，好有咬口 豬扒越式撈檬：豬扒超級大塊，上面滿佈我最鍾意嘅蔥油，撈檬亦都好清新 ，有好多青瓜絲同紅蘿蔔絲，老婆最近減肥 食撈檬就最啱，佢話卡路里夠晒低，而我就食上面塊豬扒😂，成家都非常滿足啊！