Video
Read full review
2018-03-07
609 views
我一向都喜歡飲冬蔭功，如果食泰國菜我一向都會叫一個冬蔭功加辣，一個人自私飲（老公唔食辣的）今晚老公大人帶我去打邊爐，佢話有驚喜！我地一齊去左瓊華度，原來去一間叫泰邊爐既餐廳！佢話上次同同事食過，好食喎！我地加左$20要鴛鴦鍋，一邊係椰子雞，一邊係我最愛既冬蔭功！冬蔭功並不是fix死架，可以按程度加辣，我加到中辣～湯內係無乜料架，原來好戲在後，店員會端上配料例如椰子肉，雞，菇，香茅，海蝦等，店員亦會協助倒入鍋中。係等滾既時候，我當然出去熟食區睇下有咩食先！最後攞左d炸魚皮，又大塊又脆口，辣味炒肥牛都幾好，唔算好辣但係惹味，我欣賞既當然係生菜包啦，泰國菜必點！生菜新鮮爽口，肉碎只係微辣，但充滿滿滿既香茅香料味tim！火鍋配料先揀左肉類，美國肥牛片呈血紅色，白色肥肉不太多，牛肋粒大大粒，唔會太硬，感覺有d似排骨。選項中其實都有一種叫泰式排骨，同普通有咩唔同？泰式排骨有陣香料味，有d炒金邊粉𠴱種味道，而且比較林！泰式MAMA公仔麵都係第一次食，同印尼姐姐麵係兩個feel，呢個麵質無咁林，怕辣既記得落少d味粉呀！魚方面有鯇魚片和鯇魚骨腩，骨腩較為出色，骨都是一整條的魚骨，不太難食，魚肉很滑，
我一向都喜歡飲冬蔭功，如果食泰國菜我一向都會叫一個冬蔭功加辣，一個人自私飲（老公唔食辣的）
今晚老公大人帶我去打邊爐，佢話有驚喜！我地一齊去左瓊華度，原來去一間叫泰邊爐既餐廳！佢話上次同同事食過，好食喎！我地加左$20要鴛鴦鍋，一邊係椰子雞，一邊係我最愛既冬蔭功！冬蔭功並不是fix死架，可以按程度加辣，我加到中辣～湯內係無乜料架，原來好戲在後，店員會端上配料例如椰子肉，雞，菇，香茅，海蝦等，店員亦會協助倒入鍋中。係等滾既時候，我當然出去熟食區睇下有咩食先！最後攞左d炸魚皮，又大塊又脆口，辣味炒肥牛都幾好，唔算好辣但係惹味，我欣賞既當然係生菜包啦，泰國菜必點！生菜新鮮爽口，肉碎只係微辣，但充滿滿滿既香茅香料味tim！
火鍋配料先揀左肉類，美國肥牛片呈血紅色，白色肥肉不太多，牛肋粒大大粒，唔會太硬，感覺有d似排骨。選項中其實都有一種叫泰式排骨，同普通有咩唔同？泰式排骨有陣香料味，有d炒金邊粉𠴱種味道，而且比較林！泰式MAMA公仔麵都係第一次食，同印尼姐姐麵係兩個feel，呢個麵質無咁林，怕辣既記得落少d味粉呀！魚方面有鯇魚片和鯇魚骨腩，骨腩較為出色，骨都是一整條的魚骨，不太難食，魚肉很滑，不會太「梅」，魚肉都是雪白的，保證新鮮！
已經滾左好耐的大頭蝦是時候了！一拿出來看：真係很大隻呀！大頭蝦已經有滿滿的冬蔭功味，加上蝦肉的鮮味，食兩隻真係唔夠喉！呢間餐廳招呼不錯，有火鍋、熟食區、大大個雪櫃攞飲品，絕對可以encore！
Post
