Video
Read full review
2010-05-13
235 views
睇recruit介紹過, 好似幾正. 於是泥試下. 雖然名叫海鮮酒家, 亦有炒蜆等海鮮可叫, 但在場多數人都係食小菜. 原文 : http://www.recruitonline.com/article/ArticleDetail.aspx?article_id=25754 (第3間 - 夜茶最強)環境: 千祈唔好以為係酒家, 其實係個冬菇亭. 有分戶外同戶內. 戶內除左有冷氣之外冇乜特別. 戶外環境好好, 有電視(某d位先有), 有單邊位(類似茶餐廳卡位), 有新淨紮實嘅帳篷, 亦有好光猛嘅照明, 地面唔濕滑烏糟, 檯面有個煙炭盅, 讚! : )服務:我係遲到個個, 一入去又見唔到朋友, 就問一個姐姐 ''請問xx檯係邊'', 佢原本同客人傾緊計, 佢竟然同人地講''我轉頭返泥再傾''(可見佢地同d客都幾fd), 然後親自帶我去xx檯. 嘩!真係酒樓嘅服務^^之後叫餸, d待應真係會行過泥企定定問你食乜. 係我見過最有禮貌嘅大排檔招呼我見recruit話有夜茶飲, 咁我又未泥過, 當時大概係9點, 我問佢幾點開始茶市. 佢話''重有一個鐘, 妳地慢慢食, 慢慢坐, 一陣再叫啦'
原文 : http://www.recruitonline.com/article/ArticleDetail.aspx?article_id=25754 (第3間 - 夜茶最強)
環境:
千祈唔好以為係酒家, 其實係個冬菇亭.
有分戶外同戶內. 戶內除左有冷氣之外冇乜特別. 戶外環境好好, 有電視(某d位先有), 有單邊位(類似茶餐廳卡位), 有新淨紮實嘅帳篷, 亦有好光猛嘅照明, 地面唔濕滑烏糟, 檯面有個煙炭盅, 讚! : )
服務:
我係遲到個個, 一入去又見唔到朋友, 就問一個姐姐 ''請問xx檯係邊'', 佢原本同客人傾緊計, 佢竟然同人地講''我轉頭返泥再傾''(可見佢地同d客都幾fd), 然後親自帶我去xx檯. 嘩!真係酒樓嘅服務^^
之後叫餸, d待應真係會行過泥企定定問你食乜. 係我見過最有禮貌嘅大排檔招呼
我見recruit話有夜茶飲, 咁我又未泥過, 當時大概係9點, 我問佢幾點開始茶市. 佢話''重有一個鐘, 妳地慢慢食, 慢慢坐, 一陣再叫啦''. 食到差唔多9點9個陣, 佢走埋泥同我講, 等多一陣就有架喇, 大概搭2啦''
點心係自己出去戶外一角揀嘅, 感覺好似舊時去茶樓係車仔上面揀點心咁^^
食物及價錢:
啫啫雞煲 $4x
-雞好入味, 好滑, 好食^^
-豬潤幾厚切, 我覺得唔錯
-其他配菜則太生, 食唔到><
蝦醬通菜 $30
-好濃蝦醬味, 咸左少少
京玉骨併炸白飯魚 $7x
-京玉骨味道好似某牌子嘅''齋燒鵝'', 太甜
-白飯魚比我還厚粉-,- , 好差!
白飯 $6
-算係幾平
-幾香飯味, 但我嫌硬左少少
汽水 $7/罐
-正! 好夠凍
- 但冇支裝 : (
到十點搭二我就叫左排骨飯, 燒賣, 雞扎 做我第2日嘅午餐. 叮返都好食喎: )
排骨飯 $15
-排骨真係有肉食, 唔係淨骨或者肥膏, 而且好入味, good!
燒賣 $10/4粒
-都幾真材實料. 應該係新鮮豬肉. 蝦肉爽口亦有蝦味
雞扎 $11/2件
-幾好食. 冇乜特別.
總結:
全店環境唔錯. 我冇去廁所, 所以comment唔到. 食物應該好少味精, 但係好濃味. 例如蝦醬通菜應該落左好多蝦醬, 京玉骨個醬應該落左好多糖. 濃味到飲茶都唔掂, 真係要飲返啤酒汽水解味, 好彩飲品夠冰凍. 以冬菇亭泥講, 服務真係好唔錯. 有酒家嘅服務, 但冇酒家嘅加一收費, 我覺得幾抵食
第一次打食評, 支持下啦
Post
