Video
Read full review
2013-12-23
199 views
每年冬至，必定為了親人團聚而犧牲老公的生日，齊齊吃中菜。今年決定離隊，食豪啲、舒適啲，加埋女兒，三人食日本菜。無得慳喇。家在附近嘅老友介紹「鵜舞」。交通極方便，地鐵荔枝角Ｄ２出，行半分鐘到。裝修非常日本feel,座位寬闊舒適，滿意加like。這晚先吃五款刺身，然後五款爐端燒(Robatayaki)燒物，最後米飯及麵食。刺身係每人一隻牡丹蝦,二片上吞拿腩，一小碗三文魚籽，一隻生蠔及半板海膽share。牡丹蝦足五吋，蝦肉解凍適中，鮮甜到蝦頭都啜埋。滿分like。上吞拿腩睇落有Ｄ根，但基本上無須細嚼己滑到食道中，而吞拿魚嘅甘香魚脂停留在口腔，超正，Ichiban 讚。三文魚籽以蘿蔔蓉承托，混和一起使魚籽的咸香多咗層次而少咗油感，魚籽皮十分脆口，滿分。生蠔係惠比壽(Ebisu)入口，清甜，嫰滑，微點檸檬汁充分吃出味道，高質素，超正。海膽就由北海道入口，香加滑！紫菜包住食，真係無以上之。飲啖茶，吃燒物。眾人(還有其他食客)圍坐爐端，睇實日藉厨師全神貫注在為大家泡製食物，欣賞專業精神亦一樂也。我們主打燒蟹腳及宮崎煙肉；另加二條沙丁明太子，白飯魚干片及芝士免治雞肉。蟹腳燒得很正，飃來香氣而肉質保持鮮
家在附近嘅老友介紹「鵜舞」。交通極方便，地鐵荔枝角Ｄ２出，行半分鐘到。
裝修非常日本feel,座位寬闊舒適，滿意加like。
這晚先吃五款刺身，然後五款爐端燒(Robatayaki)燒物，最後米飯及麵食。
刺身係每人一隻牡丹蝦,二片上吞拿腩，一小碗三文魚籽，一隻生蠔及半板海膽share。
牡丹蝦足五吋，蝦肉解凍適中，鮮甜到蝦頭都啜埋。滿分like。
上吞拿腩睇落有Ｄ根，但基本上無須細嚼己滑到食道中，而吞拿魚嘅甘香魚脂停留在口腔，超正，Ichiban 讚。
三文魚籽以蘿蔔蓉承托，混和一起使魚籽的咸香多咗層次而少咗油感，魚籽皮十分脆口，滿分。
生蠔係惠比壽(Ebisu)入口，清甜，嫰滑，微點檸檬汁充分吃出味道，高質素，超正。
海膽就由北海道入口，香加滑！紫菜包住食，真係無以上之。
飲啖茶，吃燒物。
眾人(還有其他食客)圍坐爐端，睇實日藉厨師全神貫注在為大家泡製食物，欣賞專業精神亦一樂也。
我們主打燒蟹腳及宮崎煙肉；另加二條沙丁明太子，白飯魚干片及芝士免治雞肉。
蟹腳燒得很正，飃來香氣而肉質保持鮮蟹味和肉汁，好功夫！Like!
宮崎煙肉在年初曾經在德國拿了金獎。厚切嚟燒，爽口夾好味，肥肉?食咗先!遲Ｄ加運動量處理這少量肥肉!好!!!
沙丁明太子,無腥味,明太子脆脆。好夾。幼骨都食埋！
燒白飯魚干片好有趣，幾十對小小魚眼望着你，心軟但它太好吃啦！
芝士免治雞肉真不簡單，內裏混合軟骨，咬落脆口又有骨膠原，好嘢!
最後每人一件疍壽司，兩碗博多烏冬share.
疍嘅長度係飯團兩倍。
博多烏冬嘅菜好清脆，烏冬彈口及爽口，小撮昆布使得湯底清甜，食哂!飲哂!
總共十二道菜，埋單竟然under bud
get!一定會再嚟試其它燒物。
Other Info. :
Waiter/Waitress 未能認識某一或兩類食材長處及特色。
(The above review is the personal opinion of a user which does not represent OpenRice's point of view.)
Post
