又係如媽媽約會既時間啦，今次黎到佐敦廟街周圍搵食，見到呢間叫金鍋清湯火鍋，好似新開餐廳咁，就不妨試一試啦～
入面有調料區，醬料都幾齊，有蒜有沙嗲醬有辣醬
同媽媽食最緊要就多菜，同埋媽媽最鐘意食腐皮，必嗌
首先嗌左個牛骨清湯，湯底係煮完牛肉後變得更加濃郁，好正！
而且個湯底食到一半都仲飲得，唔會覺得油膩，再加埋粟米同娃娃菜直頭勁夾！
講咁耐都未講到最正既手切牛～
主打雪花牛同吊龍，好特別係個碟到直接教埋大家點煮
涮十秒就夠，耐左會過熟～～不過都係唔會韌口
個人大推雪花牛，肥瘦適中，口感牛肉味好重，我同媽媽都鐘意食
最後加返碗冰粉，仲可以自己調料，有紅豆，花生碎，椰肉等等配料可以按口味自己加
成餐飯都好滿意
