胡椒湯的豬雜湯麵，清湯蘿蔔，自家製菊花茶，若你唔食得辣，建議唔好叫胡椒湯底，師傅落好重手，幾乎連豬雜的味都食唔到，但豬雜的確新鮮好食，還在碗上灑上大量唐芹碎，好香，叫係有啖菜咬下中和下。清湯蘿蔔都有好幾件，清湯即係豬骨湯底，易入口好多，免費任添的辣蘿蔔真係辣到飛起，唔食得就唔好拿太多，少量配湯麵好滋味
最後食到個人暖晒，條唎都辣晒，就叫多杯菊花茶，成個餐都滿意，墨魚頭定價小貴，唔捨得食，炸魚皮今次沒叫，下次再試。見餐廳推出外賣豬雜火煱料套餐，我好心動，定價合理，冬季先去買。
最要讚係，間餐廳好乾淨，枱椅連調味醬料瓶，牙簽筒，食具桶等都抹得乾淨，坐得舒適，侍應服務殷勤有禮。
2
