環境係走一個氣派古典宮廷風🤣
主要係個鍋底真係非常出色優秀
蜜瓜甜，湯底鮮🍈
龍躉肉連皮，足料有膠質
試過返唔到轉頭
唔會想食其他鍋底
千祈唔好覺得佢唔鹹唔甜
熟咗嘅生果其實別有一番風味
豆乳配合雞湯感覺滋補
但又唔會太厚太重口味
反而係幾清甜
湯滾起一定要飲返兩碗湯
食晒啲龍躉先好開始打邊爐
鍾意食魚嘅人真係唔可以錯過
細嘅牛肉拼盤已經氣勢如虹🤣
除咗牛頸脊同封門柳等等之外
個花雕浸牛肉都非常值得一試！
配料方面一樣相當新鮮
唔會有種冰鮮雪藏嘅感覺
特別係個手打鮮蝦丸真係好彈牙！
最後嘆埋個火焰豆腐花
雖然係有啲浮誇不過係幾滑溜㗎
有興趣可以打電話去留枱
順便問吓有咩優惠😆
我都係食完先知
原來六點前埋單有額外68折
一家大細去都經濟實惠
