金沙角冰室

Open Now

Now Closed

凍冰冰最啱揾煲仔食，今日試新嘢，去咗沙角邨以前東菇亭位置，對面有馬鐵超方便，試咗羊腩煲，足料夠味，唔似其他嗰啲羊味都冇(只係$118街坊價)。見到隔離枱嗰芋頭煲同menu上嗰個咸菜豬肚煲，款款都想試，可惜眼闊肚窄，只好留返下次再嚟~再叫咗個焗飯同鐵板，焗飯好香又夠乾身，鐵板式鋸扒買少見少，瑞士汁雞翼夠哂入味，加埋紅豆冰就大滿足!臨走見到門口有佢地自家制嘅麵包同蛋撻，大大個都係十零蚊，忍唔住又買啲返嚟做早餐感覺好實在，唔似出面連鎖咁一陣風冇哂。