Video
Read full review
2018-02-10
76 views
上次食完串燒食上癮，所以今次又原班人馬一行四人出發，再約去尖沙咀食肚餓了。呢間之前都已經食過兩次，兩次水準都仍然保持得唔錯，加上環境暗暗地好有氣氛，適合幾個朋友仔一邊飲酒一邊傾計，所以最後一致決定揀呢度。地點係I Square後面，大概行5分鐘就見到，唔會好遠。人多食串燒的好處就係可以放心叫好多款，樣樣都試下，計埋今次已經黎左三次，基本上主要的菜式都食過，不過好在呢間串燒店間唔中都會轉一轉餐牌，加入唔同特色串燒或烤焗食物，所以黎到都仍然有驚喜，唔會食多幾次就厭。今次食左好多，樣樣都唔錯，就簡單講下幾款比較推薦啦：豬頸肉、茄子、比目魚、牛舌、餃子雞翼、烤蠔、冬蔭功黑豚肉。豬頸肉：原先以為會一片片咁燒，點知上枱先知係一整塊豬頸肉，成件燒完再切條上枱。望落已經覺得燒得幾好，外面條邊有少少焦，中間部份係金黃色，食落唔會覺得太油膩，而且豬頸肉仲配左個泰式酸辣汁，有少少似泰式生蝦個汁，加埋一齊食好好味，中和左肉的濃味，口感即時變得清新。茄子：好大條茄子，又肥又多肉，上面鋪上滿滿的蒜茸，烤完出黎非常香，而茄子都烤到軟綿綿，用叉輕輕一刮已經可以起到肉食，入口有茄子的清甜，都有蒜茸的香氣，一人食一條都無
人多食串燒的好處就係可以放心叫好多款，樣樣都試下，計埋今次已經黎左三次，基本上主要的菜式都食過，不過好在呢間串燒店間唔中都會轉一轉餐牌，加入唔同特色串燒或烤焗食物，所以黎到都仍然有驚喜，唔會食多幾次就厭。今次食左好多，樣樣都唔錯，就簡單講下幾款比較推薦啦：豬頸肉、茄子、比目魚、牛舌、餃子雞翼、烤蠔、冬蔭功黑豚肉。
豬頸肉：原先以為會一片片咁燒，點知上枱先知係一整塊豬頸肉，成件燒完再切條上枱。望落已經覺得燒得幾好，外面條邊有少少焦，中間部份係金黃色，食落唔會覺得太油膩，而且豬頸肉仲配左個泰式酸辣汁，有少少似泰式生蝦個汁，加埋一齊食好好味，中和左肉的濃味，口感即時變得清新。
茄子：好大條茄子，又肥又多肉，上面鋪上滿滿的蒜茸，烤完出黎非常香，而茄子都烤到軟綿綿，用叉輕輕一刮已經可以起到肉食，入口有茄子的清甜，都有蒜茸的香氣，一人食一條都無問題！
比目魚：老公表示全晚最愛的菜式，大讚。以錫紙包住比目魚烤焗，令魚肉保持鮮嫩，入口仍然非常滑溜，三大片比目魚加入白麵豉醃過，所以食落有陣麵豉香，但好在唔會醃得太鹹而令魚味被蓋過，打開錫紙個下香氣撲鼻，如果喜歡食魚又怕又魚骨的朋友，可以揀呢款試試。
牛舌：超級好味牛舌，好味到最後忍唔住一人食左兩串，即係成枱總共叫左八串牛舌！牛舌大大粒正方形，外表睇落黑黑地唔吸引，但入口軟得黎有嚼勁，而且唔會烤得成粒都乾哂，保持住肉汁，完全唔會有牛腥或血腥味，剛剛好熟就上枱，絕對可以對得住呢個價錢！
烤蠔：叫左個烤蠔拼盤，有六款唔同味道，例如黑松露、芝士、蒜蓉、肉醬等，我自己無食到，但朋友食左就話都唔錯，蠔肉大大隻夠飽滿，而上面的醬汁味道濃淡適中，唔會搶哂蠔味。
冬蔭功黑豚肉：店員推介新菜式，估唔到非常非常非常驚喜。上枱時係大大個盤，上面有層超級巨大的酥皮，記得好似平時飲酥皮湯喧按落去，個酥皮就會吸收酸酸辣辣的冬蔭功汁，原來冬蔭功做醬汁都幾好味，後尾我地瘋狂食酥皮沾冬蔭功，都差D唔記得入面有黑豚肉XD
Post
