Ali-Oli Bakery Cafe (Closed)

是日同朋友想行山前食過快飯，記得上次食過呢間，味道正常價錢合理，於是為免浪費時間揀餐廳，所以再食。都係坐二樓，貼左好多荷花相，同埋多左聖誕既裝飾。今次朋友點左Smoked Salmon Pasta。我上次食過，唔錯既，今次就冇試朋友既食物啦。我自己今次點左Jumbo Hot Dog，記得上次同朋友食，啲薯條炸得夠脆夠熱。但今次我勁失望，啲薯條唔脆唔熱，一食就知擺左陣既薯條，超失望。熱狗味道正常，不過熱狗都好難整得難食既。整體黎講，朋友話果意粉幾好食，覺得好食過隔離店，但可惜我果個太令人失望啦…下次會慎重諗下再唔再黎食。