再說 (Closed)

走過大街小巷，熙來攘往的街道，有一間裝修平實低調的咖啡店。行入去已經見到收銀處同水吧，內裏座位不多，一邊是高枱，一邊是靠牆長櫈，與一般咖啡店不同，呢度貼上提示說明店內不提供wifi，希望人們放下手提電話，多啲同身邊嘅朋友傾偈。呢度點餐嘅模式係先去收銀處點餐，然後坐低，店員就會送上食物。如果係午餐繁忙時段，店員會先看睇吓有冇座位，然後確定有座位先安排點餐，呢一點值得一讚，確保顧客有安樂茶飯食。水波蛋鮮果沙律加煙三文魚 $103鮮果有橙、士多啤梨、藍莓，沙律菜爽身唔會好多水，煙三文魚有四舊，算係咁，加隻水波蛋同一塊包，好啱想食得健康啲嘅人，啱啱夠飽唔會好heavyHot latte 跟餐$20店員好好咁問你想要nutty啲定fruity 啲，按你口味調配咖啡，奶泡幼細，有咖啡味而不苦澀呢度嘅裝修有啲貓貓掛畫，又有宣傳愛護動物單張，相信店主店員都係愛動物有良心的人士，佢地全部都好好禮貌，臨走會同你講bye bye，以後都會多啲嚟幫襯下