Video
Read full review
2022-02-11
16 views
隔左幾個月再訪呢間辣麵小店，今次嗌到成枱都係可以一次過試哂😍爆炒烏冬($48)作為麵控之中既粗麵控去到邊見到烏冬都一定會試！烏冬炒得乾身，配埋面頭蟹子味道好香口，不過辣度唔係好夠，下次要挑戰再高d！爆多蟹籽冷麵($40)冷麵好驚喜，鋪滿大量蟹籽望落已經夠衝擊，食落去辣汁比烏冬更多，每一啖冷麵都掛上香辣醬汁，難怪係小店招牌作爆辣炒飯($58)呢個炒飯係飽肚之選，成盒塞滿既炒飯有大量蟹籽、帶子裙邊、火腿、粟米、腸仔、螺肉、蟹柳同魷魚，口感豐富之餘味道亦唔錯！爆辣雞軟骨($38)雞軟骨大大份炒得香脆，不過就唔太食到辣味，但送飯一流！爆辣油生蒜($25)私心大推呢樽辣油生蒜，重口味如我食咩都可以落，蒜香濃郁份量亦好多，$25真係好抵！！招牌蟹籽沙律($48)沙律有大量青瓜絲，加埋青瓜蟹柳粟米紫菜同滿滿既蟹籽，無澱粉質都超級飽肚爆辣賽螃蟹杯麵($30)冷麵底加上塞到滿既賽螃蟹，麵同餸既balance剛剛好，不過食既時候就有少少論盡
爆炒烏冬($48)作為麵控之中既粗麵控去到邊見到烏冬都一定會試！烏冬炒得乾身，配埋面頭蟹子味道好香口，不過辣度唔係好夠，下次要挑戰再高d！
爆多蟹籽冷麵($40)
冷麵好驚喜，鋪滿大量蟹籽望落已經夠衝擊，食落去辣汁比烏冬更多，每一啖冷麵都掛上香辣醬汁，難怪係小店招牌作
爆辣炒飯($58)
呢個炒飯係飽肚之選，成盒塞滿既炒飯有大量蟹籽、帶子裙邊、火腿、粟米、腸仔、螺肉、蟹柳同魷魚，口感豐富之餘味道亦唔錯！
爆辣雞軟骨($38)雞軟骨大大份炒得香脆，不過就唔太食到辣味，但送飯一流！
爆辣油生蒜($25)
私心大推呢樽辣油生蒜，重口味如我食咩都可以落，蒜香濃郁份量亦好多，$25真係好抵！！
招牌蟹籽沙律($48)
沙律有大量青瓜絲，加埋青瓜蟹柳粟米紫菜同滿滿既蟹籽，無澱粉質都超級飽肚
爆辣賽螃蟹杯麵($30)
冷麵底加上塞到滿既賽螃蟹，麵同餸既balance剛剛好，不過食既時候就有少少論盡
Post
