牛舌芯配青胡椒燒汁（$98）
一上碟以為得幾塊好「揦脷」，點知咬落真係驚艷！牛舌芯厚切，內裏超淋身又彈牙，完全冇渣！青胡椒汁帶少少wasabi嗆辣，但唔會搶味，襯到絕～
安格斯牛肉泰式火鍋套餐（$188）
個冬陰功湯底好足料，香茅同檸檬葉味好出，酸辣度啱啱好（怕辣嘅同事都接受到）。安格斯牛大概有六，七片，薄切易熟。套餐包埋雜菜、金邊粉、牛丸同普通牛肉，幾個人share岩晒。
鐵板辣椒雞肉炒河（$148）
鑊氣夠！河粉炒到乾身唔油，雞肉大塊又嫩滑，辣辣地，勁惹味。 鐵板熱辣辣上枱，打卡一流，但小心彈油！
香蕉朱古力煎餅（$62）
即叫即煎要等，上枱脆到「索索聲」！香蕉鋪到滿一滿，朱古力醬唔會死甜。三、四個人share就岩岩好～
總括而言，牛舌芯真心高質，必encore！火鍋同炒減點河唔錯，煎餅值得一試。人均$200-$250，觀塘區算抵食。服務幾好，加水收碟好爽手，啱晒一班人吹水食飯！
1
