Be Leaf (Closed)

冇嚟呢間Cafe都兩三年，估唔到裏面仲keep得咁好。啲打卡位都保養到好鬼新，Lunch都係百零蚊，就入去再試多次啦。上次你係食佢嘅甜品巴斯克蛋糕，今次試吓佢啲主食。叫咗一份越式香茅芫荽炸雞漢堡，加埋餐就有個湯。今日係蘑菇忌廉湯，都食得出裏面有碎碎蘑菇嘅質地。另外漢堡包其實跟咗薯條就非常夠飽。但係醉到俾到驚喜我嘅係佢嗰塊雞扒原來香茅芫荽係用嚟醃個雞扒，所以炸到出嚟之後個雞扒勁香勁入味，仲好Juicy添。配埋少少酸瓜、千島醬蕃茄生菜，又真係幾唔錯。飲品梗係會叫杯咖啡啦，佢呢杯自家制焦糖餅咖啡，面頭嗰個焦糖脆餅豐富咗呢杯奶啡嘅口感。