燒烤堂

Open Now

Now Closed

再訪人氣串燒店燒烤堂荃灣分店，鍾意店舖闊落坐得舒服，最欣賞係店員們服務好周到！每枱備有小爐可以幫串燒保溫，仲附上檸角俾客人為串燒調味🍋點餐紙寫上滿滿串燒種類，有齊中英文，唔使逐個翻譯俾老公🥹最重要係Sapporo生啤買一送一優惠荃灣店繼續有，一邊嘆串燒一邊暢飲真係好爽🍻🔸雞皮墨魚滑其中一款必食推介🎖️雞皮非常薄身，燒過後完全無油膩感，再包住彈牙墨魚滑，兩款食材真係絕配🥰 🔸 汁燒免治雞肉軟骨棒（付月見）串燒店必點，雞肉同軟骨比例剛剛好，口感柔軟帶咬勁，燒過後充滿肉汁好好味！🤤 🔸海苔黑豚肉鵪鶉蛋自家創作口味，以黑豚肉片包住一整粒鵪鶉蛋，海苔同燒汁為食材增添鹹香🔸鹽燒豚肉荔枝卷荔枝果甜配豚肉鹽香，適量油份更能提升味道🔸中切鹽燒牛舌芯入口口感柔軟，簡單鹽燒帶出牛舌濃香，店家建議加上檸檬汁，可減輕膩感🔸鹽燒宮崎A4和牛其中一款店家推介，軟嫩和牛燒過後油香四溢，配上京蔥唔怕太飽濟🔸焦糖青蘋果鵝肝多士巨型鵝肝多士🤩厚切鵝肝充滿油脂香，配燒過既青蘋果減低膩感，放上香脆豬仔包上面一齊食滿足度超高！