楚記燒臘飯店 (Closed)

今日中午閒情一個人, 回去中環中心果頭找一找以前既隱蔽食肆, 行上卑利街, 原來, 古老的楚記, 依然在服務大家. 此楚記, 比起以前鐵行里的楚記, 親切親民好多, 入來食, 大多是中年的老中環. 同店主阿叔有說有笑, 斬料小哥, 廚部伯伯叫乜名都記得, 感覺家庭式. 鋪子雖舊, 而且簡陋, 不過, 燒臘店, 不就是以簡陋為主嗎, 裝潢好的, 隨時只係得返個名, 總冇呢d, 不求發達, 做夠就收, 一心為服務我們中環打工仔的小食肆來得好.燒鴨賣哂了, 本人就改一個叉雞飯吧. 這裡的碟頭, 大大份, 係中環區食燒味飯, 除非的好飽, 好少機會會食唔哂一碟. 今日, 我沒有食早餐, 食食下, 都係要留下幾啖飯, 碟頭真係幾大下.叉燒, 蜜味就唔係咁夠, 但勝在夠哂淋, 看得出是半肥瘦既佳物, 雞皮香, 肉滑. 不過肉就唔係幾夠味, 但皮滑皮香已經非常足夠, 加上那蔥油, 用黎點雞及撈飯, 非常之正斗, 蔥沒有被切成蓉, 撈入飯一起吃, 更加是香口慈味. 不過, 唔敢撈太多....始終反式脂肪比較多.食完走, 以前說過這地方, 你是不會願意久坐的, 不過, 係中環黎既燒臘店, 平、抵、好食,