金萊餐廳 (Closed)

話說上星期跟同事嚟銅鑼灣美心 Lunch，佢已經指出隔離間金萊餐廳肥叉好掂，於是今日佢就帶我去幫襯.而佢講明價錢偏貴!心諗..... 係公司樓下鵝頸橋一帶嘅燒味店，棋哥超人同大壹嘅肥叉，特別係大壹，質素已經唔錯，點解要行遠D?重要價錢貴D!莫非金萊真係咁正?打開 menu, 吓! 成86蚊一碟肥叉燒鵝飯! 棋哥同大壹都係伍拾令陸拾蚊咋喎!黑毛豬做叉燒? 我唔理黑毛豬定白毛豬, 最緊要肉質鬆軟就 okay.優點:1, 肥叉夠入味夠甜，肉質鬆軟.2, 鵝肉同樣出色，肉質嫩滑而皮脆.3, 環境裝修唔錯，有二樓雅座地方闊落搵位容易.4, 我嘅大愛蔥油夠香口惹味! 缺點:1, 叫多色無多色.2, 一碟好地道好平民百姓嘅燒味飯，攪到好似D精緻法國大餐，份量偏少，連飯都偏少，精緻就係唔食飽吧!3, 叫多色無多色都算，要多蔥蒜無多蔥絕對係死罪! 重要咁好味但俾得雞碎咁多!有相有真相！4, 最後，叉燒同燒鵝質素唔錯，但水準同大壹相同的話，重要食唔飽! 我點解要俾多成20蚊?因為性價比超低超低超低! 質素又唔係比人高，無奈俾負評!再見無下次! PS:如果同事睇到我哩篇文，麻煩唔好再叫我嚟幫襯喇，最多我請你