中環茶記 (Closed)

OT完嘅晚上，好彩仲有位好朋友等我食晚飯，我地近近地去咗中環威靈頓街的「中環茶記」，嘆返個美味晚餐！餐廳樓高兩層，2樓仲有大量雅座，裝修充滿懷舊風味，恍如回到七、八十年代除咗一般茶記美食外，晚市仲有中式晚餐或多人套餐，價錢經濟實惠又豐富老火靚湯辛苦工作左一日，梗係要飲返碗靚湯，是日老火靚湯係西洋菜陳腎豬展湯。$20有一大碗，湯裡好足料，有大量西洋菜同豬展肉，火候十足！而且係無添加味精，所以湯底好清甜濃郁花膠雞腳燉湯店員推薦佢地嘅無味精燉湯，$42一碗，定價適中，裏面有唔少花膠呢！入口清甜清潤，感覺好滋補，飲完成個人暖晒羅漢齋煲素菜配料非常多種類，有粉絲、雲耳、白菜仔、西蘭花、支竹、四季豆、茄子等等，營養豐富，唔會太油膩，感覺健康，但就略嫌南乳味不太突出，口味比較清淡黑胡椒芝士焗魚柳飯魚柳呈金黃色，非常吸引，炸粉外皮厚薄適中，頗Q彈，魚肉都幾新鮮哦！炒飯底粒粒分明，乾身唔油膩，配上辣辣地嘅黑椒汁，夠晒滋味港式熱奶茶淡奶同紅茶比例剛好，入口順滑，超水準的港式奶茶