就趁住今日要出佐敦補習,偷走早放學出黎試試
門面睇落唔同旺角果兩間,較為平實左d
二話不說就例牌叫左沖繩奶茶(走冰),心血來潮加埋波霸
果時得我一個客,望入舖頭有個訓左晌地下,有個就沖野飲==
收銀果個係初初做登打士街一店,之後去左彌敦道果間,再之後去左登打士二店
杯野拎到手飲第一啖,久違的味道返哂黎
初初飲就覺佢好甜,飲得多已經習慣左
加上其他店鋪所謂ge黑糖奶茶完全無黑糖味
所以我一直都buy輕鬆飲ge沖繩奶茶!!
至於d珍珠,我個人偏向淋,同埋最憎un
諗番起第一次食輕鬆飲d珍珠都係第一間晌登打士街果陣
岩岩好估哂我口味,但係今次唔同哂
都仲算淋,但係有d痴口,最大問題係太un,一路食一路練牙力
其實好唔明點解輕鬆飲點解會揀lee個位
人地貢茶開晌大街,佢就反而開晌巷仔到
實際位置係厚福街尾,特登去搵唔算難搵
不過整體上黎講真係唔算差,最擔心係佢無咩街客
希望遲d輕鬆飲可以開番晌d就腳d位置啦...
