Video
Read full review
2022-07-26
90 views
見天氣今日幾好，就拉埋另一半去食放題，之所以揀下晝食，係因為可以有多啲時間消化。呢間放題喺旺角已經屹立多時，質素保持高質，掃一掃QR code落單超級方便。講到食放題，第一樣必食嘅當然係刺身啦，三文魚、油甘魚、象拔蚌、帶子、赤蝦、希靈魚一應俱全，全部刺身都非常新鮮，而且有放喺冰盤上邊，並且擺放得非常精緻。每件刺身都毫不吝嗇地厚切，食落肥美，魚腥味一啲都唔重，三文魚更食落更加有啖啖肉口感。除咗刺身之外，燒物同埋炸物都係必點：蒜蓉扇貝，好香蒜蓉味，醉鮑魚雖然細隻，但質素唔差，食落鮮味彈牙。西京燒非常好味。芝麻雞翼炸得脆口，肉嫩滑，好香。鹽燒牛舌，面頭配上黑椒食落更香口惹味。燒菠蘿好甜，食完又想食，炸榴槤球係另一半的至愛，天婦羅全部都非常出色，食物炸得香脆可口之餘，亦唔會覺得太過油膩。仲有仲有仲有最名貴嘅花膠一定要試，一整塊，口感爽彈，醬汁唔會太鹹，夠晒滋補！一樣如果唔夠飽，出邊仲有自助區，今次真係又係捧住個肚，要喺旺角行返兩個鐘消化下！
講到食放題，第一樣必食嘅當然係刺身啦，三文魚、油甘魚、象拔蚌、帶子、赤蝦、希靈魚一應俱全，全部刺身都非常新鮮，而且有放喺冰盤上邊，並且擺放得非常精緻。
每件刺身都毫不吝嗇地厚切，食落肥美，魚腥味一啲都唔重，三文魚更食落更加有啖啖肉口感。
除咗刺身之外，燒物同埋炸物都係必點：蒜蓉扇貝，好香蒜蓉味，醉鮑魚雖然細隻，但質素唔差，食落鮮味彈牙。西京燒非常好味。芝麻雞翼炸得脆口，肉嫩滑，好香。
鹽燒牛舌，面頭配上黑椒食落更香口惹味。燒菠蘿好甜，食完又想食，炸榴槤球係另一半的至愛，天婦羅全部都非常出色，食物炸得香脆可口之餘，亦唔會覺得太過油膩。
仲有仲有仲有最名貴嘅花膠一定要試，一整塊，口感爽彈，醬汁唔會太鹹，夠晒滋補！
一樣如果唔夠飽，出邊仲有自助區，今次真係又係捧住個肚，要喺旺角行返兩個鐘消化下！
Post
