四寶食堂 (Moved) New Location

上個月在銅鑼灣食完四寶食堂之後感覺好好食價錢又經濟。與好朋友剛好要去北角辦事，行經電器道見到有一間，二話不說即刻走入去食個lunch。入內餐廳見到唔少人。裝修走新派中西路線，帶點港式又有少少歐陸風味，地方滿大座位舒服，燈光光猛整潔。午餐時段餐牌有午市常餐6款和精選午餐5款選擇，我們分別各叫一樣。招牌瑞士汁炒牛河上台熱辣辣味道還算不錯，但有點油膩，牛肉嫩香就少了點得四片。黑蒜蔥油喜哥豬扒撈公仔麵+芝士火腿牛角包上菜速度非常快，豬扒多汁香口肉質軟腍，不愧為招牌，黑蒜蔥油撈公仔麵好惹味，蒜香濃郁撲鼻好好食牛角包酥酥脆脆味道岩岩好。