Caterking Dim Sum

同一間餐廳好少會再寫食評，但 n 個月後再次光顧發現有新嘢...所以，為公平起見，今次只寫新嘢食 ~

[炸雞翼] 第一樣食物黎先。可能肚餓，D 雞翼黎到「辣」住口都係咁喪食，食完先突然記得要影相.... =.= 味道嘛...冇其他地方食嘅炸雞翼咁有雪味，同埋，「業」嘅時間夠，所以好夠味~

[冰鎮奶茶] 賣相同普通奶茶樣冇分別，所以冇影相。味道好濃好好味，亦因為咁，我地嘥咗成壺玄米茶 Orz....

蒜蓉芝士蝦春卷

同上次唔同，呢個係蒜蓉芝士蝦，同上次嘅三文魚蝦一樣，成條春卷都塞滿 "料" & 超熱，好好味~~~

鮮蝦芒蝦筒

朋友話好好味..但我反而嫌芒果唔夠多 (只怪我愛酸咪咪 ￣∇￣)

蒜蓉蒸鮮魷

呢個魷魚其實冇咩特別，但佢個烏冬底勁好食!!!! 真係估佢唔到~ 又一件妺仔大過主人婆嘅食物.....

薑汁糕

呢件疑似印尼食品嘅薑汁糕，可能未必個個接受到。原因好簡單：食落 exactly 係「薑醋糕」。如果鐘意食薑醋（仲要係果 d 足料好味嘅薑醋），你簡直會愛上佢，質地仲好煙勒。如你唔鐘意食薑醋（或唔食得薑嘅辣），千其唔好叫。

其他基本嘢如燒賣、牛肉球、豬潤腸仍保持一貫水準。由於朋友請客，我只負責叫 & 食，所以以上食物幾錢我係完全唔記得 (///∇///)