小甜谷 Dessert Kaffee (Closed)

一個人起銅鑼灣都唔知食乜好，兜兜轉轉又入左黎，因為12點幾人流都未算多，最啱一個人自閉。第二次黎食，依舊keep 到好評。星期日都有set lunch, 叫左個煎大蝦蟹膏意大利粉（$88). 跟Set 餐飲個水果茶我都好鍾意，茶味適中，唔會太濃or 太甜， 入面有火龍果，菠蘿，橙肉等等，幾fresh😁意粉賣相唔錯， 開頭我以為會有原隻大蝦，但原來係蝦球，不過肉質爽彈，配埋個汁幾好味，個汁係有微微蟹膏同蕃茄味，兩者加埋好醒胃。最驚喜係有好多蟹肉啊，呢個價錢真係好抵食😆。最後不忘打卡會再有5% discount.蟹肉都算多，唔會碎濕濕，有驚喜