漁道樂 (Closed)

今日放工約朋友去開心下，所以就揀咗大家都鍾意嘅日本菜。話說之前同另外一啲朋友都試過爐端燒，覺得好正，所以今次就試另外一間睇下質素點！裝修好日式，而且都好spacious，所以坐得好舒服~燒蟹甲羅 + 爆帆立貝食爐端燒最緊要一定試佢地嘅海鮮！因為單純就咁燒，所以呢種食法可以食到海鮮嘅鮮味，比起加調味料，呢啲海鮮嘅鮮甜味會更重！漁道樂軍艦呢個用唔同刺身整成嘅壽司比較特別，用青瓜包住，唔同紫菜包咁，無搶走刺身本身嘅味道，無喧賓奪主。野菜天婦羅入面有南瓜、蕃薯等野菜，平時唔多好天婦羅，但呢個外在嘅皮無一種麵粉味，亦唔太油，所以我破例食咗好多舊😂牛油果軟殼蟹沙律軟殼蟹都係新鮮炸，所以好脆。平貝刺身 + 飽魚刺身呢度嘅刺身好唔錯，最重要係夠新鮮，雖然口感無三文魚咁厚身，但都好滑嫩檸檬酒酎佢話有酒精成份，但酒味並唔算太濃郁，即使唔飲酒都可接受，但如果想飲到好強酒味嘅朋友就唔啱你啦，因為佢係屬於水果味較重嘅飲品食物質素好高，所有野都好新鮮，當然價錢略貴，但如果想質素行先，呢度絕對係不二之選！