Video
Read full review
2017-08-09
1330 views
觀塘有唔少特色cafe，正正啱晒我地呢啲上班一族放工後享受工廈既寧靜。呢間Cafe都幾近地鐵站，大概需要5至10分鐘左右。我哋夜晚去到人流唔算多，同場仲有其他放工人士。我哋叫咗兩份Dinner Set。頭盤係一個好豐富既《菲達芝士尤魚沙律配意大利油醋汁》。菲達芝士為原本一道普通既沙律菜增色不少，廚師特登將芝士切到細細粒，讓顧客能夠輕易一口將芝士、沙律菜仲有魷魚放進口裏。有少少可惜嘅係相比沙律嘅份量，意大利油醋汁並唔多，所以食落去有啲乾，而佢個魷魚亦都冇好重嘅味道，重口味嘅人可能會覺得比較清淡。餐湯方面，我哋選擇咗《香濃野菌湯》同《法式龍蝦湯》。野菌湯嘅菌味濃厚，感覺上好足料，不過我自己就唔係太食得慣湯上面嘅油，撈埋啲湯後有啲結。而龍蝦湯質感上較容易入口，底下嘅龍蝦鮮甜，咸度適中，相信中意龍蝦既男女都會好滿意呢個湯。主菜方面，我地叫咗D同E。主菜D《松子野菌釀雞卷配脆炸意大利飯》令人眼前一亮。炸意大利飯波波圍繞著切到細細舊既雞卷，開頭食落去誤以為係薯餅波波，之後睇清楚啲先發現有一粒粒嘅意大利飯，完全滿足到我視覺上同味覺上嘅體驗。雞卷嘅大小啱啱好可以放進女仔口裏，擺落口前冇為意雞卷裏釀咗野
我哋叫咗兩份Dinner Set。頭盤係一個好豐富既《菲達芝士尤魚沙律配意大利油醋汁》。菲達芝士為原本一道普通既沙律菜增色不少，廚師特登將芝士切到細細粒，讓顧客能夠輕易一口將芝士、沙律菜仲有魷魚放進口裏。有少少可惜嘅係相比沙律嘅份量，意大利油醋汁並唔多，所以食落去有啲乾，而佢個魷魚亦都冇好重嘅味道，重口味嘅人可能會覺得比較清淡。
餐湯方面，我哋選擇咗《香濃野菌湯》同《法式龍蝦湯》。野菌湯嘅菌味濃厚，感覺上好足料，不過我自己就唔係太食得慣湯上面嘅油，撈埋啲湯後有啲結。而龍蝦湯質感上較容易入口，底下嘅龍蝦鮮甜，咸度適中，相信中意龍蝦既男女都會好滿意呢個湯。
主菜方面，我地叫咗D同E。
主菜D《松子野菌釀雞卷配脆炸意大利飯》令人眼前一亮。炸意大利飯波波圍繞著切到細細舊既雞卷，開頭食落去誤以為係薯餅波波，之後睇清楚啲先發現有一粒粒嘅意大利飯，完全滿足到我視覺上同味覺上嘅體驗。雞卷嘅大小啱啱好可以放進女仔口裏，擺落口前冇為意雞卷裏釀咗野菌，所以咬到野菌既汁時好有驚喜。
主菜E《寶雲酥澳洲羊西冷拼菠菜利可他芝士酥皮卷配粟米蓉》則令我重拾舊憶。與朋友相識於內蒙古大草原，在該處嚐過不少既羊肉。特意點呢款主菜，微炸既羊肉配上蕃薯蓉別有一番風味。只可惜朋友覺得羊肉稍為有啲羶，不過仍可以接受。開頭以為旁邊嘅酥皮卷係普通春卷，切開後先發覺入面係芝士菠菜茸，幾特別。
飲住點綴著晚餐結尾既Mocha，再品嚐提拉米蘇同朱古力心太軟，完全滿足到我呢個朱古力愛好者😋
總括而言，間Cafe都算平民，價錢合理，食物質素同份量都好足夠。最欣賞既係每一碟菜嘅設計，餐廳用上色彩鮮豔既雜菜同水果襯托出每一碟菜嘅主角，使尤其是女顧客不禁「相機食先」。此外，員工服務質素好好，俾我哋渡過左一餐好滿足嘅晚餐.
Post
